16 ნოემბერს, "რეგიონული განვითარების ახალგაზრდულმა ორგანიზაციამ", "კონფლიქტების მართვისა და მოლაპარაკებების საერთაშორისო კვლევით ცენტრთან" ერთად, ჩაატარა სემინარი ტოლერანტობის დღესთან დაკავშირებით. ღონისძიებას ესწრებოდნენ რუსთაველი მოსწავლეები და სტუდენტები. მათ შორის იყვნენ აზერბაიჯანელი ბავშვებიც.
ღონისძიებაზე დასწრება თავისუფალი არ გახლდათ; მასზე დასწრების უფლება მხოლოდ ორგანიზაციის მიერ არჩეულ მოსწავლეებსა და სტუდენტებს ჰქონდათ. ქ. რუსთავის 25-ე სკოლიდან 3 მოსწავლე ამოირჩა, ესენია: ლევან დვალი, რობერტ მახარაშვილი და ჯუნა ჯაგაშვილი, რომლებიც აღნიშნული ორგანიზაციის ტრენინგებს ხშირად ესწრებიან.
ქ. რუსთავის 25-ე საჯარო სკოლის ორმა პედაგოგმა, დალი ბენაშვილმა (ქართული) და მაია ყულიჯანაშვილმა (გეოგრაფია) პროექტ "ინოვაციურ მასწავლებელთა ფორუმი 2010"-ში, გრანპრი მოიპოვეს; წარდგენილი ჰქონდათ შემაჯამებელი ინტეგრირებული გაკვეთილი ქართულ ლიტერატურასა და გეოგრაფიაში, სახელწოდებით "აბოს ცხოვრების გზა". გთავაზობთ რუსთავი 2-ის მიერ მომზადებულ რეპორტაჟს ფორუმისა და დაჯილდოების შესახებ.
ექსელის ეს ფაილი შესაძლებლობას იძლევა გამოიანგარიშოთ სამივე ტრიმესტრის ქულები (მიმდინარე ქულების შეტანის შემდგომ). ხოლო წლიური ქულა გამოითვლება ავტომატურად. როდესაც მოსწავლეების სახელებსა და გვარებს შეიტანთ პირველი ტრიმესტრის გრაფაში, იგი ავტომატურად დაკოპირდება დანარჩენ ტრიმესტრებსა და წლიურ ფორმაში.